हामी सबैकाे संसारन्यूज

काठमाडौं । गैर आवासीय नेपाली संघ राष्ट्रिय समन्वय परिषद डेनमार्कको अध्यक्षमा कमल राज शर्मा निर्वाचित भएका छन् ।

जुलाई १ मा सम्पन्न परिषद्को अधिबेशनले २०२३–२०२५ का लागि शर्मालाई अध्यक्षमा निर्वाचित गरेको हो ।

अधिवेशनले संघको उपाध्यक्षहरुमा निल विक्रम थापा, प्रदीप तिवारी, महिला उपाध्यक्षमा मनिषा सिंह कोइराला, महासचिवमा नवराज आचार्य (नविन), सचिवमा श्रीमती निलम रानाभाट, कोषाध्यक्षमा देव कुमार गिरी, सहकोषाध्यक्षमा श्रीमती सरस्वती कार्की, महिला संयोजकमा श्रीमती लक्ष्मी बेलबासे र युवा संयोजकमा भुवन खड्कालाई निर्वाचित गरेको छ ।

त्यस्तै सदस्यहरुमा राम प्रसाद अर्याल, गोबिन्द पौडेल, एलेक्स पोख्रेल, सन्तोष बस्नेत, निराजन गुरुङ, महिला सदस्यमा श्रीमती अम्बिका अधिकारी र श्रीमती आश्मा काफ्ले निर्वाचित भएका छन् ।

उक्त अधिबेशनले संघको अन्तराष्ट्रिय समन्वय परिषद् (आइसीसी) सदस्यमा दीपक राज रिजाललाई चयन गरेको छ ।