हामी सबैकाे संसारन्यूज

काठमाडौं । बालुवाटारस्थित ललिता निवासको जग्गा प्रकरणमा थप दुईजना पक्राउ परेका छन् ।

अनुसन्धानका क्रममा समरजंग कम्पनीका पूर्वअधिकृत रमेशकुमार पोखरेल र नक्कली मोही देवनारायण महर्जनलाई केन्द्रीय अनुसन्धान ब्यूरो (सीआईबी) ले सोमबार काठमाडौंबाट पक्राउ गरेको हो ।

ललिता निवासको सरकारी जग्गा व्यक्तिको नाममा गरेको र सरकारी कागजात किर्ते गरेको आरोपमा सीआईबीले हालसम्म नौ जनालाई पक्राउ गरेको छ ।

उक्त प्रकरणमा सिआइबीले गत मंगलबार भाभटेनीका संचालक मिन बहादुर गुरुङसहित सुधिर शाह, धर्मप्रसाद गौतम र गोपाल कार्की, काठमाडौं महानगरका अधिवृकत शिवजी भट्टराई, नक्कली मोही बाबुराजा महर्जन र नापीका कर्मचारी घमनकुमार कार्कीलाई पक्राउ गरेको थियो । उनीहरु हिरासतमै रहेका छन् ।