Sansar News
काठमाडौं । पेट्रोेलियम पदार्थको मूल्य घटेको छ ।
नेपाल आयल निगमले आज राति १२ बजेदेखि लागू हुने गरी पेट्रोल, डिजेल, मट्टीतेल र हवाई इन्धनको मूल्य घटाएको हो ।
निगमद्वारा जारी मूल्य सूची अनुसार डिजेल र मट्टितेलमा प्रतिलिटर पाँच देखि सात रुपैयाँसम्म घटेको हो ।
साविकको खुद्रा बिक्री मूल्यमा पेट्रोल तथा डिजेल/मट्टितेलमा पहिलो, दोस्रो तथा तेस्रो वर्गका लागि क्रमश : पहिलो वर्गमा प्रति लिटर रु ७ रुपैयाँ ५० पैसा, दोस्रो वर्गमा ६ रुपैयाँ र तेस्रो वर्गमा ५ रुपैयाँ प्रति लिटर कायम गरिएको छ । साथै आन्तरिकतर्फको हवाई इन्धनमा प्रतिलिटर १४ रुपैयाँ र अन्तराष्ट्रियतर्फको हवाई इन्धनको खुद्रा बिक्रि मूल्यमा प्रति किलो लिटर अमेरिकी डलर ११५ (प्रतिलिटर करिब १५ रुपैयाँ) ले घटाइएको मूल्य सूचीमा उल्लेख छ ।
यस्तो छ मूल्यसूची
वि.सं.२०८० असार १८ सोमवार २१:२३ मा प्रकाशित
