हामी सबैकाे संसारन्यूज

काठमाडौं । सरकारले झण्डै दुई दर्जन निर्माण तथा सप्लायर्स कम्पनीलाई कालो सूचीमा राख्ने सूचना जारी गरेको छ ।

जारी सूचनामा ती कम्पनाीहरुले विभिन्न आयोजना निर्माणमा ढिलासुस्ती गरेको तथा सन्तोषजनक काम नगरेको भन्दै विभिन्न निकायबाट कालो सूचीमा राख्न निवेदन आएको भन्दै सरकारको सार्वजनिक खरिद अनुगमन कार्यालयले कालो सूचीमा राख्ने प्रक्रिया सुरु गरेको बताइएको छ ।

‘तपसिलका निर्माण व्यवसायी/ आपूर्तिकर्ताहरुलाई कालो सूचीमा राख्न तपसिलका सार्वजनिक निकायहरुबाट लेखि आएकोले कालो सूचीमा राख्न नपर्ने आधार प्रमाण भए सूचना प्राप्त भएको मितिले ३० दिनभित्र कार्यालयमा लिखित स्पष्टीकरण पेस गर्नु भनि निजहरुको ठेगानामा सूचना पठाइएकोमा हालसम्म पनि लिखित स्पष्टीकरण पेस हुन नआएकोले यो सूचना जारी गरिएको हो ।’ सूचनामा भनिएको छ ।

कार्यालयले यो सूचना जारी भएको सातदिनभित्र लिखित स्पष्टीकरण पेस गर्न समेत निर्देशन दिएको छ ।