Sansar News
काठमाडौं । नेकपा एमालेको प्रचार विभागमा ११ जना सदस्य थपिएका छन् ।
एमालेको शनिबार बसेको २३ औं सचिवालय बैठकले प्रचार विभागमा विभिन्न ११ जना सदस्य थप गरेको हो ।
सो पार्टीका अनुसार डा. महेन्द्र विष्ट, गणेश पाण्डे, दीपक ज्ञवाली, शेरबहादुर केसी, रामकृष्ण ज्ञवाली र राजेश राईलाई विभागको सदस्य बनाइएको छ भने सूर्यमणि गौतम, लिलाराज भट्टराई, लालबाबु शेख, हेमन्त पौडेल, अक्षेरी पोखरेललाई सदस्यमा मनोनित गरिएको छ ।
यसअघि प्रचार विभागमा निर्मला शर्मा, गणेश बस्नेत, उजिर मगर, टीका विष्ट, प्रमोद दाहाल, चेतन अधिकारी, रोशन खड्कालाई सदस्य रहेका थिए ।
हाल प्रचार विभागमा स्थायी कमिटी सदस्य राजेन्द्र गौतम रहेका छन् भने सचिवमा गगन विष्ट रहेका छन् । यसअघि प्रचार विभाग प्रमुख रहेका पृथ्वी सुब्बा गुरुङ संसदीय मामिला विभागको प्रमुख बनेका छन् ।
वि.सं.२०८० असार ३१ आइतवार १५:२१ मा प्रकाशित
