हामी सबैकाे संसारन्यूज

काठमाडौं । आर्थिक वर्ष २०७९/८० को अन्तिम दिन नेप्से परिसूचकमा दोहोरो अंकले बृद्धि भएको छ । आइतबार नेप्से परिसूचक १२.१६ अंकले बढ्दै २०९७.०९ को बिन्दुमा उक्लिएको छ ।

यसअघि अघिल्लो साता नेप्से घटेर बन्द भएको थियो ।

आइतबार नेप्से बढेपनि कारोबार रकम भने यसअघिको तुलनामा निकै घटेको छ । लगातार तीन अर्ब नजिक भइरहेको कारोबार आइतबार घटेर साढे दुई अर्ब मुनि पुगेको छ । आइतबार ७१ लाख ८१ हजार २५४ कित्ता सेयर किनबेच हुँदा दुई अर्ब ३७ करोड ६४ लाख २७ हजार ५७३ रुपैयाँको कारोबार भयो ।

आइतबार नेप्सेका अधिकांश समूहमा हरियाली छायो । निर्जीबन बीमा समूहमा सबैभन्दा बढी १०७.३० अंकले बृद्धि भयो भने आइतबार जलविद्युत समूहमा सबैभन्दा बढी १७.४३ अंकले ओरालो लाग्यो ।

आइतबार सिबम् सिमेन्ट, हिमालयन लाइफ इन्स्योरेन्स, माउन्टेन इनर्जीलगायतका कम्पनीको कारोबार उच्च रहेको थियो । सनराईज फोकस इक्यूटी फण्डको मूल्यमा १० प्रतिशतले बृद्धि हुँदा एनआइबिएल ग्रोथ फण्ड, सानिमा ग्रोथ फण्डलगायतको मूल्यमा उच्च बृद्धि रह्यो ।