Sansar News
काठमाडौं । एकीकृत समाजवादीकी सचिव रामकुमारी झाँक्री र एमाले नेता खिमलाल भट्टराईबीच भेटघाट भएको छ । दुई नेताबीच बिहीबार भेटघाट भएको हो ।
एमाले नेता भट्टराईले झाँक्रीसँगको भेटघाटको तस्बिर सामाजिक सञ्जालमा सेयर गर्दै ‘मिठो भेट र संक्षिप्त कुराकानी भएको’ बताएका छन् ।
झाँक्री एकीकृत समाजवादीभित्र असन्तुष्ट छिन् । उनी निकटस्थहरु एमालेमा प्रवेश गरिरहँदा उनको सन्दर्भमा पनि एमालेमा प्रवेश गर्ने चर्चा चलिरहेको छ । झाँक्रीका अभिव्यक्ति पनि सोही कोणबाट आएका देखिन्छन् ।
एकीकृत समाजवादीभित्र भूमिकाबिहीन बनेकी झाँक्रीको पछिल्लो समय एमाले नेताहरुसँग एक्लाएक्लै भेटवार्ता बाक्लिँदो छ । विद्यार्थी संगठनमा सँगै रहेकी झाँक्रीको भट्टराईसँगको भेटवार्तालाई अर्थपूर्णरुपमा लिन सकिन्छ । भट्टराई र झाँक्री कुनै समय एमाले निकटको विद्यार्थी संगठनका नेता हुन् ।
वि.सं.२०८० साउन ३२ बिहीवार १५:०९ मा प्रकाशित
