हामी सबैकाे संसारन्यूज

काठमाडौं । राष्ट्रपति रामचन्द्र पौडेलले सर्वदलीय बैठक बोलाएका छन् ।

लामो समयदेखि संसदमा देखिएको अवरोध हटाउने विषयमा छलफल गर्न राष्ट्रपति पौडेलले मंगलबार बिहान ८ बजे शितलनिवासमा सर्वदलीय बैठक बोलाएको उनको सचिवालयले जनाएको छ ।

राष्ट्रपतिका प्रेस सल्लाहका किरण पोखरेलका अनुसार संघीय संसदमा देखिएका अवरोध अन्त्यका लागि राष्ट्रपति पौडेलले बैठकको आव्हान गरेका हुन् ।
त्रिभुवन विमानस्थलबाट साउनको पहिलोसाता एक क्विन्टल सुन प्रकाउ प्रकरणमा उच्चस्तरीय छानविन समिति बनाउनु पर्ने माग गर्दै एमालेले साउन १० गतेदेखि संसद बैठक अवरुद्ध गर्दै आएको छ ।

प्रतिनिधि सभाका सभामुख देवराज घिमीरे र राष्ट्रियसभाका अध्यक्ष गणेशप्रसाद तिमिल्सिनाले राष्ट्रपतिलाई भेटेर संसद अवरोध अन्त्यका लागि पहल गरिदिन आगैह गर्दै आएका छन् ।

त्यस्तै प्रधानमन्त्री पुष्पकमल दाहाल प्रचण्डले पनि आइतबार राष्ट्रिय मान्यता प्राप्त दलका शिर्षनेताहरुको बैठक डाकेर संसद अवरोध हटाउने विषयमा छलफल गरेका थिए । यद्यपी एमालेले पुरानै अडान कायम राखेपछि आजको छलफलमा कुनै पनि सहमति हुन नसकेको बैठकमा सहभागी नेताहरुले बताए । नेताहरुले दलहरु सहमति नजिक पुगेको र सोमबार बस्ने बैठकले सहमति गर्ने बताएका छन् ।

.