Sansar News
काठमाडौं । प्रभु क्यापिटल लिमिटेडका हितग्राही खाताहरुलाई ‘गुह्येश्वरी डेन्टल मल्टिस्पेसिलिटी एण्ड इम्प्लान्ट हब प्रालि’मा विशेष छुटको व्यवस्था गरिएको छ ।
प्रभु क्यापिटलमा डिम्याट खाता खोलेका सम्पूर्ण हितग्राही ग्राहकहरुको डेन्टलसम्बन्धी कुनै पनि उपचार गर्दा लाग्ने खर्चको लागि ‘गुह्येश्वरी डेन्टल मल्टिस्पेसिलिटी एण्ड इम्प्लान्ट हब प्रालि’सँग भदौ १ गते सम्झौता गरेको कम्पनीले जनाएको छ ।
सम्झौतापत्रमा क्यापिटलको तर्फबाट प्रमुख कार्यकारी अधिकृत आशिष गौचन र ‘गुह्येश्वरी डेन्टल मल्टिस्पेसिलिटी एण्ड इम्प्लान्ट हब प्रालि’को तर्फबाट सञ्चालक दिपेश गोर्खालीले हस्ताक्षर गरेका हुन् ।
क्यापिटलका ग्राहकहरुले ‘गुह्येश्वरी डेन्टल मल्टिस्पेसिलिटी एण्ड इम्प्लान्ट हब प्रालि’मा मा सेवा लिँदा १५ प्रतिशत छुट पाउन सक्ने कम्पनीले जनाएको छ ।
कम्पनीका अनुसार यो अफरको लाभ क्यापिटलका हितग्राही ग्राहकले छुट सम्झौता भएको मितिबाट १ वर्ष सम्म लिन सक्नेछन् । ललितपुर, पुलचोकमा रहेको ‘गुह्येश्वरी डेन्टल मल्टिस्पेसिलिटी एण्ड इम्प्लान्ट हब प्रालि’ अत्याधुनिक उपकरणबाट सेवा प्रदान गरिरहेको छ ।
यस ‘गुह्येश्वरी डेन्टल मल्टिस्पेसिलिटी एण्ड इम्प्लान्ट हब प्रालि’ बाट ग्राहकहरुले डेन्टल चेकअप, डेन्टल फिलिङ्ग, तिथ ब्लीचिंग, डेन्टल एक्सट्राक्सन, तथा अन्यसेवा लिन सकिने क्यापिटलले जनाएको छ ।
हाल प्रभु क्यापिटलले २ लाख ३० हजार माथि हितग्राही ग्राहकलाई डीपी सेवा प्रदान गरिरहेको छ ।
वि.सं.२०८० भदौ ४ सोमवार १४:३६ मा प्रकाशित
