हामी सबैकाे संसारन्यूज

काठमाडौं । नेपाल प्रहरीको केन्द्रीय अनुसन्धान ब्यूरो (सीआईबी) बालुवाटारस्थित ललिता निवासको सरकारी जग्गा प्रकरणमा नाम मुछिएका पूर्वप्रधानमन्त्रीद्वय डा. बाबुराम भट्टराई र माधव कुमार नेपालसँग बयान लिएको छ ।

‘सानालाई ऐन र ठूलालाई चैन’ भन्दै सरकारको चौतर्फि विरोध भइरहेका बेला सत्तारुढ गठबन्धन दलका अध्यक्ष नेपालसँग आइतबार साँझ उनकै निवास कोटेश्वरमा पुगेर सिआइबीको टोलीले बयान लिएको हो ।

त्यसैगरी आइतबारै बिहान नेपाल समाजवादी पार्टीका अध्यक्ष रहेका डा. बाबुराम भट्टराईसँग उनकै टोखास्थित घरमा पुगेर ललिता निवास प्रकरणमा बयान लिएको हो । सिआइबीका प्रवक्ता नवराज अधिकारीका अनुसार पूर्वप्रधानमन्त्रीद्धयलाई सिआइबीको टोलीले घरमै पुगेर बयान लिएको हो ।

यसअघि साउन २९ गते बसेको सत्तारुढ गठबन्धन दलका शिर्ष नेतृत्वले ललिता निवास प्रकरणमा डा. भट्टराई र नेपालसँग बयान नलिने सहमति गरेपछि प्रधानमन्त्री पुष्पकमल दहाल ‘प्रचण्ड’ र गृहमन्त्री नारायणकाजी श्रेष्ठको चौतर्फि आलोचना भएको थियो ।

आइतबारै ललिता निवास प्रकरणको फाइल सरकारी वकिललाई बुझाउने तयारी गरेको सिआइबीले उक्त फाइल रोकेर भट्टराई र नेपालको बयान लिएको थियो ।