Sansar News
काठमाडौं । ६० किलो सुन तस्करी प्रकरणमा थप एक जना पक्राउ परेका छन् । पक्राउ पर्नेमा रुपन्देहीका सुमन खरेल रहेका छन् ।
खरेललाई प्रहरीको केन्द्रीय अनुसन्धान ब्युरो (सीआईबी)को टोलीले पक्राउ गरेको सीआईबी स्रोतले पुष्टि गरेको छ । उनलाई नेपाल-भारत सीमाबाट पक्राउ गरेर प्रहरीले काठमाडौं ल्याउँदै गरेको स्रोतले जनाएको छ । ।
खरेलसहित ६० किलो सुन तस्करीको आरोपमा पक्राउ पर्नेको संख्या २७ पुगेको छ । सुरुमा राजश्व अनुसन्धान विभागले १७ जनालाई पक्राउ गरेर सीआईबीलाई साउन २१ गते बुझाएको थियो ।
त्यसपछि प्रहरीले अनुसन्धान गरिरहेको छ ।
हालै मात्र अनुसन्धानका लागि सीआईबीले एसएसपी दिनेश आचार्यलाई हङकङ र डीएसपी धर्म भण्डारीलाई भारत पठाएको छ ।
वि.सं.२०८० भदौ १८ सोमवार १३:५१ मा प्रकाशित
