Sansar News
काठमाडौं । नेपाली कांग्रेसका महामन्त्री गगन कुमार थापाले पार्टीका सहमहामन्त्री महेन्द्र यादवमाथि भएको सांघातिक आक्रमणको बारेमा सरकारले गहिरो छानविन गर्न माग गरेका छन् ।
बिहीबारको संविधान सभा बैठकमा बोल्दै थापाले प्रधानमन्त्री र गृहमन्त्रीलाई सम्बोधन गर्दै काठमाडौंमा एक्लै हिँड्न नहुने अवस्था आएको हो भन्ने प्रश्न समेत गरेका छन् ।
उनले सांघातिक आक्रमण गर्ने मान्छे पक्राउ परेको छ । तर, एउटा संन्काहाले सन्केर हान्यो भन्ने भाष्य निर्माण गरेर थामथुम पार्न खोजिदैछ,’ उनले भने, म नेपाली कांग्रेसको तर्फबाट सरकारको ध्यानाकर्षण गराउँछु, सरकारले यसबारेमा गहिरो अनुसन्धान गरोस
।’
उनले काठमाडौंमा संविधान सभा सदस्यमाथि सार्वजनिक कार्यक्रममा सहभागी भएर आउँदै गर्दा व्यक्ति सुरक्षित हुँदैन भने प्रधानमन्त्री र गृहमन्त्रीलाई यो विषयले पोल्नुपर्छ कि पर्दैन भनेर प्रश्न समेत गरेका थिए ।
थापाले भने– ‘कोही जलाई दिन्छु भन्ने र कोही खुकुरी हान्ने, हामी एक्लै हिँड्न हुने हो कि नहुने हो ? प्रधानमन्त्री र गृहमन्त्रीले ठाउँ ठाउँमा यसलाई छाडिने छैन । यस्तो गरिने छ भन्ने तर जिम्मा लिएकोले धेरै बोल्ने होइन, काम गर्ने हो । हामी परिणाममा हेर्न चाहान्छौं ।’
उनले यस्ता अराजकताका घटनाले नेपाली समाजले ठूलो मूल्य चुकाउनु पर्ने अवस्था आउने सक्ने समेत बताए ।
त्यसैगरी कान्तिबाल अस्पतालमा उपचारका लागि लाइनमा बस्दा बस्दै पाँच वर्षीया बालिकाको मृत्यु भएको घटनाप्रति ध्यानाकर्षण गराउँदै अत्यावस्यक सेवा लिनेहरुले लाइनमा बस्नुपर्ने कुनै नियम नभएको बताए । उनले उक्त घटनाको सत्यतथ्य छानविन गरी संसदलाई जानकारी गराउनुपर्ने समेत ध्यानाकर्षण गराए ।
वि.सं.२०८० भदौ २१ बिहीवार १३:४३ मा प्रकाशित
