हामी सबैकाे संसारन्यूज

काठमाडौं । नेपाली दूताबास कोरियाका राजदूतका लागि औषधि बोकेर कोरिया पुगेका मााओवादी केन्द्रका युवा नेता रामप्रसाद सापकोटा ‘दिपशीखा’ ले आफु कोरियामा गिरफ्तारीमा नपरेको बताएका छन् ।

अगस्त १० तारिखमा नेपाली जनप्रगतिशिल मन्च कोरियाको कार्यक्रममा भाग लिन जाने क्रममा राजदूत ज्योति प्याकुरेका लागि औषधि बोकेर गएका उनलाई त्यहाँको भन्सारले प्रिस्किप्सन सहीत अन्य आवश्यक डकुमेन्ट मागेको र त्यो बुझाइसकेको उनले बताएका छन् ।

‘म गत अगस्ट १० तारिखमा कोरियाको नेपाली जनप्रगतिशिल मन्चको कार्यक्रममा भाग लिन आउने क्रममा महामहिम राजदुत ज्योति प्याकुरेलले विगत १ वर्षदेखि सेवन गरिरहनुभएको औषधि मगाउनुभएकोले लिएर आएको थिएँ ।

अन्जानबस डाक्टरको प्रिस्किप्सन मसँग नभएकोले कोरियन सरकारको भन्सारले प्रिस्किप्सन सहीत अन्य आवश्यक डकुमेन्ट मागेकोले राजदुताबासले मागेका डकुमेन्टहरू बुझाईसकेको छ । भन्सारको भेरिफिकेशन नसकिएसम्म मलाई कोरियाबाट नेपाल फर्कन नदिएको सत्य हो । नजरबन्द, गिरफ्तारी केहिपनि होईन ।

नियतबस कुनै कमजोरी नगरेको कारण चाँडै नेपाल फर्कनेमा विस्वस्त छु । आफ्नै देशको विमार राजदुतलाई सहयोग गर्दा मलाई परेको अप्ठ्यारोप्रति विवेक पुर्याईदिन र पिडित मलाई थप पिडा नदिनुहुन नेपालि मिडिया, सामाजिक संजालका साथिहरूमा अपिल गर्दछु ।’ सामाजिक संजालमा उनले लेखेका छन् ।