Sansar News
काठमाडौं । चीनको हाङ्जाओमा जारी १९औँ एसियाली खेलकुद (एसियन गेम्स) मा सहभागी हुने राष्ट्रिय क्रिकेट टोलीको विदाइ गरिएको छ ।
एसियन गेम्समा सहभागिताका लागि आज चीन प्रस्थान गर्ने राष्ट्रिय क्रिकेट टोलीलाई नेपाल क्रिकेट संघ (क्यान) ले विदाइ गरेको हो । क्यानको नयाँ नेतृत्व हिजो मात्र निर्वाचनबाट चुनिएको हो ।
चीनको हाङ्जाओमा जारी एसियन गेम्सको हिजो (शनिबार) मात्र उद्घाटन गरिएको छ । उद्घाटन समारोहमा प्रधानमन्त्री पुष्पकमल दाहाल ‘प्रचण्ड’ पनि सहभागी भएका थिए । अहिले उनी चीनको राजकीय भ्रमणमा छन् ।
औपचारिक उद्घाटन हिजो गरिए पनि एसियाडका खेल भने असोज २ गतेदेखि नै चलिरहेको छ । जसअन्तर्गत समूह चरणका दुवै खेल हारेपछि नेपालको पुरुष भलिबल टोली प्रतियोगिताबाट बाहिरिसकेको छ ।
वि.सं.२०८० असोज ७ आइतवार १०:१७ मा प्रकाशित
