हामी सबैकाे संसारन्यूज

काठमाडौं । चीनले सन् २०२५ लाई नेपाल भ्रमण वर्षको रुपमा मनाउने सम्झौता भएको छ । प्रधानमन्त्री पुष्पकमल दाहाल ‘प्रचण्ड’को चीन भ्रमणको क्रममा सो सम्झौता भएको हो ।

प्रधानमन्त्री ‘प्रचण्ड’ र उनका चिनियाँ समकक्षी प्रधानमन्त्री लि छ्याङद्वारा जारी संयुक्त बक्तब्यमा नेपालमा चिनियाँ पर्यटकलाई प्रवर्द्धन गर्ने उद्देश्यले सन् २०२५ लाई चीनमा नेपाल भ्रमण वर्ष घोषणा गरिने उल्लेख छ ।

सो बक्तब्यमा चीनले आयोजना गरेको सांस्कृतिक र पर्यटन आदानप्रदान गतिविधिमा सहभागी हुन र चीनमा पर्यटन प्रवर्द्धन कार्यक्रमहरू आयोजना गर्न चिनियाँ पक्षले विभिन्न तहमा नेपालको सांस्कृतिक तथा पर्यटन संस्थाहरूलाई सहयोग गर्न जारी राख्ने र थप चिनियाँ पर्यटकहरूलाई नेपाल भ्रमण गर्न प्रोत्साहन गर्ने उल्लेख गरिएको छ ।

संयुक्त बक्तब्यमा दुई देशका विभिन्न सहरहरूबीच भगिनी सहर सम्बन्ध स्थापना गर्न दुवै पक्ष जनताबीचको सम्पर्कलाई प्रवर्द्धन र प्रगाढ बनाउन दुवै पक्ष तत्पर रहेको उलेल्ख गरिएको छ ।