हामी सबैकाे संसारन्यूज

काठमाडौं । काठमाडौं महानगरपालिका र नौ दिनदेखि आन्दोलनरत अभियन्ता ःइबीच सहमति भएको छ ।

फुटपाथ व्यवसायीलाई विकल्प दिनुपर्ने माग गर्दै काठमाडौं महानगरपालिकाको कार्यालय अगाडि उभिएर आन्दोलन गरिरहेका अभियन्ता इःबीच बुधबार ४ बुँदे सहमति भएको हो ।

काठमाडौं महानगरपालिकाका प्रवक्ता नवीन मानन्धरका अनुसार दुवैपक्षबीच बुधबार बेलुका भएको उक्त सम्झौतामा फुटपाथ व्यापारीको जफत गरिएको समान फिर्ता दिने, सातदिनभित्र तोकिएको स्थानमा खोजेर हाललाई पसल राख्न दिने, विज्ञ टोली गठन गरेर उचित स्थानको खोजी गर्ने लगायतको सहमति भएसँगै अभियन्ताहरु आन्दोलन फिर्ता लिन तयार भएका हुन् ।

यसैबीचमा काठमाडौं महानगरपालिका मेयर बालेन शाहले फुटपाथ व्यापारीलाई आफुले चाहेर पनि केही गर्न नसक्ने बताएका छन् । उनले भनेका छन् ‘फुटपाथ बाहेक अन्य कुनै ठाउँमा मिल्छ कि भन्ने प्रसंगमा खाली ठाउजस्तो देखिने सार्वजनिक जग्गा व्यापार गर्न मेयरले मात्र होइन, प्रधानमन्त्री तथा मन्त्रिपरिषदले पनि अहिलेका ऐनकानुन टेकेर दिन मिल्दैन । निजी जग्गाहरुमा त अहिले पनि सामूहिक बजारको अभ्यास भइरहेकै छ । काठमाडौँले नेपाल सरकारसँग मिलेर फुटपाथ व्यापारीहरुलाई व्यवस्थापन गर्न भृकुटी मण्डपमा कोशिस गरेकै हो । तर त्यसले फुटपाथ खाली भएन । समस्याको समाधान गरेन ।’