हामी सबैकाे संसारन्यूज

काठमाडौं । डिजिटल वालेट ‘आइएमई पे’ बाट एसआइपी भुक्तानी सजिलै गर्न सकिने भएको छ ।

कम्पनीका अनुसार ‘आइएमई पे’मार्फत सेवाग्राहीहरूले सजिलै आफ्नो सिस्टमेटिक इनभेस्टमेन्ट प्लान्न एसआइपीको रकम भुक्तानी गर्नसक्ने भएका छन् । एसआइपी भुक्तानी सेवा प्रदान गर्न  ‘पे’ले एन आई सी एशिया क्यापिटल तथा कुमारी क्यापिटल सँग सम्झौता गरेको छ ।

उक्त सम्झौता अन्तर्गत अब ‘पे’का सेवाग्राहीहरूले एनआईसी एशिया क्यापिटलको एनआईसी एशिया डाइनेमिक डेब्ट फन्ड तथा कुमारी क्यापिटलको कुमारी सुनौलो लगानी योजनाको एसआइपी इन्सटलमेन्ट तथा युनिट परचेजको भुक्तानी गर्न सक्ने कम्पनीले जनाएको छ ।

पछिल्लो केही समय यता पुँजी बजारमा एस आई पी लोकप्रिय बन्दै आईरहेको र यसको भुक्तानीलाई थप सहज पार्दै ‘पे’ले आफ्नो सेवाग्राहीहरुको लागि यो सेवा सुचारु गरेको  ‘पे’का सीइओ प्रवीन रेग्मीले बताएका छन् ।