हामी सबैकाे संसारन्यूज

मोरङ । मोरङको विराटननगरमा् १५ वर्षीया किशोरीमाथि सामुहिक बलात्कार भएको छ ।

किशोरीमाथि बलात्कार गरेको अभियोगमा प्रहरीले विराटनगर महानगरपालिका–३ जहदा बस्ने २० वर्षीय दिपेन्द्र कुमार मण्डल समेत २ जनालाई बिहीबार साँझ पक्राउ गरेको छ ।

प्रहरीका अनुसार मण्डल लगायत ६ जनाले ती किशोरीलाई जहदा जयरामपुर धान खेतमा बोलाई जबरजस्ती करणी गरेको भन्ने उजुरीको आधारमा प्रहरी चौकी मझारेबाट खटिएको प्रहरीले उनीहरूलाई पक्राउ गरेको हो ।

त्यस्तै बर्दियामा पिन १२ वर्षीया बालिकालाई जबरजस्ती करणी गरेको अभियोगमा बढैयाताल गाउँपालिका–९ श्रीलंका टोल बस्ने गेरूवा गाउँपालिका–५ गोला घर भएका ५२ वर्षीय कृष्ण कुमार दमाई पक्राउ परेका छन् ।

दमाईले ती बालिकालाई विभिन्न समयमा पटक–पटक जबरजस्ती करणी गरेको भन्ने उजुरीको आधारमा ईलाका प्रहरी कार्यालय मैनापोखर र प्रहरी चौकी सितलाबजारबाट खटिएको प्रहरीले पक्राउ गरेको हो ।

घटनामा संलग्न, हाल फरार अन्य व्यक्तिहरूको खोजी गरिरहेको तथा यी दुवै घटनाका बारेमा थप अनुसन्धान गरिरहेको प्रहरीले जनाएको छ ।