Sansar News
काठमाडौं । मुक्तिनाथ कृषि कम्पनीले आईपिओ निष्कासनको अनुमति पाएको छ । कम्पनीले नेपाल धितोपत्र बोर्डबाट असोज १० गते आईपीओ निष्कासनका लागि अनुमति प्राप्त गरेको हो ।
कम्पनीले प्रति कित्ता १०० रुपैयाँ अंकित १४ करोड रुपैयाँ बराबरको १४ लाख कित्ता शेयर निष्कासनको अनुमति पाएको हो । शेयर निष्कासनको लागि एनआईएमबि एस क्यापिटल बिक्री प्रबन्धक रहेको छ ।
हाल कम्पनीको चुक्ता पुँजी ५६ करोड रहेको छ । आईपीओ निष्काशनपछि कम्पनीको चुक्ता पुँजी ७० करोड पुग्ने छ । यो मुक्तिनाथ विकास बैंकको सहायक कम्पनी हो ।
वि.सं.२०८० असोज १२ शुक्रवार १४:३३ मा प्रकाशित
