हामी सबैकाे संसारन्यूज

कठमाडौं । एभरेष्ट बैंकले टायल्स तथा सेरामिक्स उत्पादनमा लगानी गर्ने भएको छ ।

बैंकको अगुवाईमा कजरिया रमेश टायल्स लिमिटेडमा लगानी गर्न लागेको हो । यस सम्बन्धमा सह–वित्तियकरण कार्यक्रममा सहभागी बैंकहरुबिच वित्तिय सहजिकरण गर्ने कार्य सम्पन्न भएको छ ।

कार्यक्रममा अगुवा बैंकको तर्फबाट एभरेष्ट बैंकका प्रमुख कार्यकारी अधिकृत सुदेश खालिङ तथा रमेश क्रपका तर्फबाट कम्पनीका उपाध्यक्ष रोहित गुप्ताले एक कार्यक्रमका बिच सम्झौता पत्रमा हस्ताक्षर गरेका छन् ।

उक्त कार्यक्रममा सह–वित्तियकरणका अन्य सदस्य बैंकहरु नबिल बैंक, नेपाल एसविआइ बैंक र प्रभु बैंकका प्रतिनिधिको पनि उपस्थिति थियो ।

नेपाललाई टायल्स उत्पादनमा आत्मनिर्भर बनाउने उद्देश्यका साथ नवलपरासीमा रहेको प्लान्टबाट उत्पादन हुने टायल्सको कुल लागत रु. चार अर्ब रहेको छ । उक्त रकम मध्ये सह–वित्तियकरण अन्तर्गत तीन अर्ब रुपैंयाँ लगानी रहनेछ ।

विश्वको ७ औं ठूलो टायल्स उत्पादक कम्पनी कजरिया सेरामिक्स भारतको संयुक्त लगानी रहेको कजरिया रमेश टायल्स लिमिटेडले नेपालमा आधुनिक उपकरणहरु प्रयोग गरी गुणस्तिरीय टायल्स तथा सेरामिक्सको उत्पादन गर्नेछ । त्यहाँ उत्पादन गर्ने बस्तुहरु अन्तराष्ट्रिय मापदण्ड बमोजिम गुणस्तिरीय हुने कम्पनीले जनाएको छ ।

आगामी वर्षको मार्चबाट उत्पादन सुरु हुने सो परियोजनाले आयत प्रतिस्थापन गर्न महत्वपूर्ण योगदान दिने जनाईएको छ ।

स्थापनाकालदेखिनै ग्राहकहरुको पहिलो रोजाइको यस बैंकमा हालसम्म करिब १३ लाख भन्दा बढी सन्तुष्ट ग्राहकहरु रहेका छन् तथा देशैभरि छरिएर रहेको आफ्नो १२७ शाखा संजाल, ३ एक्सटेन्सन काउण्टर, ७ प्रादेशिक कार्यालय, १६२ एटिएम सहित विश्वव्यापी नेटवर्कबाट अत्याधुनिक मोबाइल, इन्टरनेट र एसएमएस बैकिंग सुविधा प्रदान गर्दै आइरहेको छ । यस बैंकले नेपाल सरकारको राजस्व संकलनको लागि ३२ वटा संकलन केन्द्रबाटसमेत सेवा दिदै आइरहेको छ ।