Sansar News
भक्तपुर । ‘देवेन्द्र गौतम पत्रकारिता पुरस्कार-२०८०’ बाट साहित्यिक पत्रकार रोचक घिमिरे पुरस्कृत भएका छन् ।
शुक्रबार करेन्ट मिडिया एण्ड रिसर्च सेन्टर प्रालिले भक्तपुरमा आयोजना गरेको पुरस्कार समर्पण तथा पुस्तक विमोचन समारोहमा नगद रु.एक लाख सहित साहित्यिक पत्रकार घिमिरे पुरस्कृत भएका हुन् ।
त्यसैगरी, कार्यक्रममा करेन्ट मिडियाले नगद रु ५० हजार सहितको सम्मान पत्रकार गुणराज काफ्ले ‘सान्धिल्य’लाई प्रदान गरेको छ । पत्रकारद्वयलाई वरिष्ठ पत्रकार देवेन्द्र गौतमको प्रथम स्मृति दिवसमा प्रालीका अध्यक्ष प्रदीपा गौतमले पुरस्कार प्रदान गरेकी हुन् ।
पत्रकार गौतमको प्रथम स्मृति दिवसमा पुस्तक विमोचन समारोहमा पत्रकार गौतमद्वारा लिखित तीन पुस्तक विमोचन गरिएको थियो ।
वि.सं.२०८० असोज १९ शुक्रवार २२:०५ मा प्रकाशित
