Sansar News
काठमाडौं । दुर्घटनामा परेको मनाङ एयरका पाइलट प्रकाश सेढाईलाई थप उपचारका लागि भारत लगिने भएको छ ।
शनिबार बिहान सोलुखुम्बुको लुक्लाबाट लोबुचे जाने क्रममा भएको मनाङ एयरको (९एन–एएनजे) हेलिकप्टर दुर्घटनामा परी घाईते भएका पाइलट सेढाईलाई थप उपचारका लागि आजै मुम्बईको नेसनल बर्न सेन्टरमा लगिने भएको हो ।
अस्पतालले शनिबार साँझ विज्ञप्ति जारी गर्दै सेढाईको मुखको भाग, हातखुट्टा लगायतका शरीरका अन्य भाग ५० प्रतिशत जलेको अवस्थामा रहेको जानकारी दिएको छ ।
अस्पतालका डा. सबिन कोइरालाले जारी गरेको विज्ञप्तिमा सेढाईको फोक्सो र मेरुदण्डको हड्डी तथा किड्नीमा पनि समस्या देखिएको बताइएको छ । विज्ञप्तिमा सेढाईका परिवारको सल्लाहमा भारत लैजान लागिएको समेत जानकारी दिइएको छ ।
वि.सं.२०८० असोज २७ शनिवार २०:१७ मा प्रकाशित
