हामी सबैकाे संसारन्यूज

काठमाडौँ । गैरआवासीय नेपाली संघ (एनआरएनए) मा राजेन्द्र कुमार (आरके) शर्माको नेतृत्वमा समानान्तर समिति घोषणा भएको छ ।
संघ को ११ औँ महाधिवेशनमा मतगणनामा भएका कमजोरीका कारण बाकी प्रक्रिया रोक्ने लिखित सहमति उल्लघंन गरेको भन्दै आरके शर्माको समुहले पनि नया समिति घोषणा गरेको हो ।
बद्री केसीस्वयंले हस्ताक्षर गरेर प्रक्रिया स्थगन पनि भनेको र हतार हतारमा सपथ पनि गराईएको भन्दै शर्मा समुहले केसी नेतृत्वको कार्यसमिति अस्वीकार गर्दै शर्माकै नेतृत्वमा छुट्टै समिति घोषणा गरेको बताएको छ ।
समानान्तर कार्यसमितिमा डा. केशव पौडेल, गोविन्द श्रेष्ठ, खगेन्द्र न्यौपाने, गंगाधर गौतम, सुनिल शाह, विजय मोक्तान र गणेश केसी उपाध्यक्ष रहेका छन् । त्यस्तै, महिला उपाध्यक्षमा रोजिना प्रधान र युवा उपाध्यक्षमा अब्दुल वासिद रहेका छन् ।
समितिको महासचिवमा बुद्धी सागर सुवेदी छन् भने उपमहासचिवमा सोम सापकोटा र प्रमोद सिटौला छन् । त्यस्तै, सचिवमा लोकप्रसाद दाहाल, कृष्णजीवी पन्त, टंक गैरे, दयानिधि सापकोटा, राम पोखरेल र केपी सिटौला छन् । कोषाध्यक्षमा ठाकुरप्रसाद ढुंगाना रहेका छन् भने सह कोषाध्यक्षमा तिलक गैरे, मोहम्मद मुसलमान, सीपी पौडेल र कृष्ण तिम्सिना रहेका छन् ।
यसैगरी महिला सचिवमा विमला सापकोटा, महिला सह कोषाध्यक्षमा तृष्णा शर्मा काफ्ले, युवा संयोजकमा रविन अधिकारी तथा महिला संयोजकमा देवीका केसी गुरुङ रहेका छन् ।

यसअघि शनिबार साँझ ललितपुरमा पत्रकार सम्मेलन गर्दै ११ औँ महाधिवेशनमा अध्यक्ष पदका प्रत्याशी रहेका शर्मा र महेशकुमार श्रेष्ठ लगायतले धाँधलीबाट भएको नेतृत्वलाई स्वीकार गर्न नसक्ने बताएका थिए । उनीहरूले मत परिणाममा भएको त्रुटिबारे १५ दिनभित्र अनुसन्धान गर्ने सहमति केसी पक्षले तोडेको बताए । पत्रकार सम्मेलनमा बोल्दै अध्यक्षका उम्मेदवार शर्माले आइटी विज्ञ राखेर निर्णय गरौँला भनेर गरेका सहमति तोड्नुले नै धाँधली भएको स्पष्ट हुने बताए । उनले धाँधली नभएको भए रातारात शपथ खानुपर्ने अवस्था नरहेको बताए । शर्माले गैर आवासीय नेपाली संघ निष्पक्ष, साझा र सबल हुनुपर्ने बताएका थिए भने महेशकुमार श्रेष्ठले सीमित समूहलाई आधिकारिकता दिन हतारमा शपथ ग्रहण गरेको आरोप लगाएका थिए ।
गैर आवासीय नेपालीसंघ यसअघि २०७८ फागुनमा शेष घले समुहले छुटटै बनाएको थियो ।