Logo
३० श्रावण २०७९, सोमबार
     Mon Aug 15 2022
E-paper
  English Edition
   Unicode
Logo

रासायनिक विषादीको विकल्पमा जैविक विषादीको प्रयोग बढाइदै



 

१७ वैशाख, भद्रपुर । खाद्यान्न एवम् तरकारी बालीमा रासायनिक विषादी प्रयोग घटाउने उद्देश्यले प्रधानमन्त्री कृषि आधुनिकीकरण परियोजनामार्फत आइपिएम कृषक समूह तोपगाछी झापालाई रु २२ लाख अनुदान बराबरको उपकरण सहयोग प्रदान गरिएको छ ।

विषादीको प्रयोगले मानव जीवनमा आइपर्ने जटिल समस्यालाई न्यूनीकरण गर्ने परियोजनाको लक्ष्यानुरुप सो यन्त्र बाली संरक्षण निर्देशनालयबाट प्रदान गरिएको सुपर जोन कार्यालय झापाका वरिष्ठ कृषि अधिकृत मेघनाथ तिमल्सेनाले बताउनुभयो ।

प्रयोगशालामा उत्पादन हुने जैविक विषादी झापालगायत अन्य जिल्लाका किसानका लागि पनि अत्यन्त उपयोगी एवम् सहयोगी हुने आइपिएम कृषक समूहका कोषाध्यक्ष टङ्क कट्टेलले जानकारी दिनुभयो । दिन प्रतिदिन बढ्दै गएको विषादी प्रयोगले मानव जीवन खतरामा पर्न लागेको बेलामा जैविक विषादी प्रयोगले बालीनाली तथा तरकारी बाली उपभोक्ताका निम्ति स्वास्थ्यकर मान्न सकिन्छ ।

यसैबीच प्रयोगशालाका भवन निर्माण गर्न स्थानीयवासी ७३ वर्षीय गङ्गाप्रसाद कट्टेलले रु पाँच लाख मूल्य पर्ने जग्गा रु दुई लाखमा दिई सो स्थानमा प्रयोगशाला भवन निर्माण हुने भएको छ । भवन निर्माण गर्न सुपर जोन सञ्चालक समितिको निर्णयबाट रु १५ लाख र आइपिएम कृषक समूहको रु दुई लाख गरी रु १७ लाखमा सो भवन निर्माण हुने लागेको हो ।

यसैगरी प्रधानमन्त्री कृषि आधुनिकीकरण परियोजनामार्फत ८५ प्रतिशत अनुदानमा सो समूहलाई खेत जोत्न पावर टिलर, आलु रोप्ने यन्त्र र आलु उखेल्ने यन्त्र एक एक थान उपलब्ध गराइएको वरिष्ठ कृषि अधिकृत तिमल्सेनाले बताउनु भयो ।


यो खबर पढेर तपाईलाई कस्तो महसुस भयो ?

काठमाडौं । आजको नेपाली बजारमा विदेशी मुद्राको भाउ यसप्रकार रहेको छ । राष्ट्र बैंकको

काठमाडौं । बेलायत र युएई पठाइदिन्छु भनेर २२ लाख बढी ठगी गर्ने २ जना

कोरोना कहर पछाडि विस्तारै तंग्रदै गरेको अर्थतन्त्रमा केही आशाका किरण पनि देखा पर्न थालेका

काठमाडौं । एक पछि अर्को गर्दै पार्टी परिवर्तन गरिरहेका नेपाल समाजवादी पार्टीका संयोजक डा.