हामी सबैकाे संसारन्यूज

काठमाडौं । अमेरिकाको मूलधारमा कनेक्टिकट राज्यको ब्रान्डफोर्ड शहरमा नेपाली मूलका व्यवसायी ज्ञानु श्रेष्ठ नगर परिषद सदस्यमा नियुक्त भएका छन् ।
उनलाई जनवरी १७ बुधबारका दिन ब्रान्डफोर्डको बोर्ड अफ सेलेक्टमेन्ट(चयन समिति)ले नियुक्त गरेको हो ।

ब्रान्डफोर्ड शहरको लागि डेमोक्र्याटिकको तर्फबाट श्रेष्ठलाई रिप्रिजेन्टेटेटिभ टाउन मिटिङ्ग अर्थात् आरटिएम (नगर परिसद सदस्य)मा नियुक्त गरिएको हो । आज उनलाई अपरान्ह उक्त शहरमा बसेको बैठकले उनलाई नियुक्त गरेको हो ।

उनलाई ब्रान्डफोर्ड शहरको जिल्ला ४ बाट डेमोक्र्याटिकको तर्फबाट नियुक्त गरिएको छ । उनी सहित त्यही शहरमा नेपाली मूलका कूल ३ जना व्यक्तित्वहरु निर्वाचित तथा नियुक्त भएका छन् । यसरी मूलधारमा काम गर्नेहरुमा व्यवसायी तथा समाजसेवी रामचन्द्र श्रेष्ठ जो अहिले शिक्षा समितिको निर्देशकमा निर्वाचित भएका छन् । राम चन्द्र श्रेष्ठ यो भन्दा अगाडी नगर परिषद सदस्यमा एकपटक मनोनित र २ पटक निर्वाचित भएका थिए । उनि एकै पटक दुईवटा पदमा निर्वाचित भएपछि नगर परिषद सदस्य आरटिएमबाट राजीनामा दिएका थिए ।

अर्का नेपाली मूलका चिरन न्यौपाने पनि नगर परिषद सदस्यमा समेत निर्वाचित भएका छन् भनि रिपब्लिकन दलको तर्फबाट निर्वाचित भएका हुन् । उनि पहिले नियुक्त भएका थिए भने गत निर्वाचनमा आरटिएम अर्थात् नगर परिसद सदस्यमा निर्वाचित भएका छन् ।

को हुन् ज्ञानु श्रेष्ठ ?
श्रेष्ठको जन्म दोलखाको, भिमेश्वर नगरपालिका वडा नम्बर २ (डोकुवली टोल)मा भएको हो । अमेरिकामा सन् २००१ देखी बसोबास गर्दै आएका श्रेष्ठ २००१ देखी २०१० सम्म न्यूयोर्कमा बसे । सन् २०१० देखि अर्थात् बिगत १४ बर्ष कनेक्टिकट राज्यमा परिवार सहित बस्दै आएका छन् ।

काठमाडौँको मेकानिकल ईन्जिनियरिङ थापथली क्याम्पसबाट स्नातक तथा त्रिभुवन बिश्वबिद्यालय बाणिज्यमा स्नातक समेत गरेका छन् । अमेरिका आएपछि उनले स्वेडिश ईन्स्टिच्युट कलेज अफ हेल्थ साइन्स न्युयोर्कबाट मसाज थेरापी (मालिस उपचार )बिषयमा स्नातक गरेका छन् । उनि बिभिन्न सामाजिक सेवामा पनि उत्तिकै सक्रिय रहेका छन् ।

सोसाईटी अफ नेपलिज इन अमेरिका, ब्रान्फोर्ड, कन्नेक्टिकटमा पाँच कार्यकल (अर्थात् १० बर्ष) प्रविधि निर्देशकको पदमा आफ्नो जिम्मेवार पूरा गरे । यसको साथै अमेरिकी नेपाली महोत्सव २०२३ को मूल समारोह समितिमा रहेर कार्यक्रम सफलतापूर्वक सम्पन्न गर्न योगदान गरे ।

उनि ब्रान्डफोर्ड शहर मै बिगत १४ बर्ष देखी स्पा व्यवसाय (खनिज जलीय शृंगारगृह) को ब्यबसायमा संलग्न रहेका छन् । उनि सहित अमेरिकामा हालसम्म दर्जनौ नेपालीहरुको राजनीतिमा प्रवेश गरेका छन् ।

नगर परिषदमा मात्रै करिव आधा दर्जन नेपालीहरु मुलधारमा प्रवेश गरेका छन् । यो क्रम बढ्दो छ । तर अमेरिकी मूलधारमा आधा दर्जन पराजित पनि भएका छन् ।

अमेरिकामा मुलधारमा खाता खोल्ने मेरील्याण्ड राज्यको इन्डियन हेड शहरका लागि उपप्रमुख किरण सिटौला हुन् । त्यसपछि अमेरिकी इतिहासमा पहिलोपटक मेरिल्याण्ड राज्यबाट बिधान सभा सदस्य अर्थात् सांसद हुने पहिलो व्यक्ति डा ह्यारी भण्डारी हुन् । उनि २ पटक बिजयी भएका छन् भने अहिले पनि उनि सांसद हुन् । यसैगरी न्यूयोर्कबाट पनि सांसद पदमा सराह्रना श्रेष्ठले खाता खोल्दै पहिलो जनप्रतिनिधि हुने अवसर पाएकी छिन । उनि अमेरिकामा नेपाली महिलाको तर्फबाट सांसद पदमा निर्वाचित हुने पहिलो महिला हुन् र न्यूयोर्क राज्यमै सांसद हुने पहिलो नेपाली हुन् ।