हामी सबैकाे संसारन्यूज

काठमाडौं । चालु आर्थिक वर्षको छ महिनामा विभिन्न कम्पनीले करिब १० अर्ब रुपैंयाँ बराबरको प्राथमिक सेयर निस्कासन(आईपिओ) अनुमति पाएका छन् ।

धितो–पत्र बोर्डका अनुसार सात कम्पनीहरुले करिब नौ अर्ब असि करोड ५४ लाख रकम बराबरको करिब चार करोड ३३ लाख ७० हजार कित्ता सेयर निस्कासन अनुमती पाएका हुन् ।

सेयर निस्कासन अनुमती पाएका कम्पनीहरुमा तीनवटा उत्पादनमूलक समूहका कम्पनीहरु रहेका छन् भने एउटा जल–विद्युत तथा तीन वटा अन्य कम्पनी समूहका कम्पनीहरु रहेका छन् ।

उत्पादनमूलक कम्पनीहरुतर्फ सोनापुर मिनरल्स एण्ड आयल लिमिटेड, सर्वोत्तम सिमेन्ट लिमिटेड, तथा रिलायन्स स्पिनिङ् मिल्स लिमिटेड रहेका छन् ।

त्यस्तै जलबिद्युत समुहमा भिजन लुम्बिनी उर्जा कम्पनी लिमिटेड, र अन्य समूहमा मुक्तिनाथ कृषि कम्पनी लिमिटेड, नेपाल वेयर हाउस कम्पनी लिमिटेड, हिमालयन रि–इन्स्योरेन्स कम्पनी लिमिटेड रहेका छन् ।

सेयर निस्कासनकाे अनुमती पाएकाे अधिकांस कम्पनीहरू सेयर निस्कासन गरिसकेका छन् । उनीहरूकाेकाे सेयर नेप्सेकाे दाेश्राेबजारमा कराेवारसमेत भैरहेकाे छ भने केही कम्पनीहरूले प्राथमिक सेयर निस्कासनकाे तयारी गरिरहेका छन् ।

२७ कम्पनी आईपिओ निस्कासन अनुमतीको पखाईमा

चालु आर्थिक वर्षको छ महिनामा सात कम्पनीहरुले आईपिओ निस्कासनको अनुमती पाउँदा २७ कम्पनी भने आइपिओ निस्कासन पाउने प्रतिक्षा सूचिमा छन् । यो सूचीमा गत वर्षको पुष महिनामा आईपिओ निस्कासनको अनुमती माग्दै आवेदन दिएको एकर्ड फर्मास्युटिकल्स लिमिटेड र पछिल्लो पटक पुषको १६ गते अनुमतिको लागि आवेदन दिने अन्नपूर्ण केवलकारसमेत रहेका छन् ।

आइपिओ निस्कासनको पर्खाईमा रहेका कम्पनीहरुमध्ये आठवटा अन्य समूहका कम्पनीहरु रहेका छन् । त्यस्तै १४ वटा जलविद्युत कम्पनी समुहका रहेका छन् भने तीनवटा उत्पादनमूलक तथा दुईवटा पर्यटन तथा होटल समूहका कम्पनीहरु रहेका छन् ।

कतिपय कम्पनीहरुको कगजातको अध्ययन भईरहेको तथा कागजात नपुगेका कम्पनीको थप कागजात मगाएर अध्ययन भैरहेको बोर्डले जनाएको छ ।