हामी सबैकाे संसारन्यूज

काठमाडौँ । पशुपति मन्दिरको भेटी चोरी आरोप खेपेका पाँच जना पुर्पक्षका लागि कारागार चलान भएका छन् । एक जना धरौटीमा छुटेका छन् । बुधवार काठमाडौँ जिल्ला अदालतका न्यायाधीश कपिमणि गौतमको इजलासले पाँच जनालाई पुर्पक्षका लागि कारागार पठाउने आदेश दिएको हो ।

अदालतको आदेशपछि चोरी आरोपमा पक्राउ परेका पशुपति क्षेत्र विकास कोषका नायब सुब्बा नवराज ढोडारी र मन्दिरका ब्राह्मण नवराज घिमिरेसहित सञ्जय कपाली, कुमार दमाई र अनिल परियार कारागार चलान भएका हुन् ।

प्रहरी वृत्त गौशालाका डिएसपी केशवकुमार थेबेलेका अनुसार उनीहरूलाई केन्द्रीय कारागार सुनधारा चलान गरिएको छ ।  उनले पक्राउ मुद्दा चलाइएका मध्ये सत्यनारायण जोशी भने रिहा भएका छन् । उनलाई तीन लाख धरौटीमा छाड्नु भन्ने आदेश आएपछि धरौटी तिरेर हिरा भएको बताए । छ जनाविरुद्ध दुई करोड ३० लाख एक हजार बिगो माग दाबी गर्दै चोरीको कसुरमा मुद्दा चलाइएको थियो ।