हामी सबैकाे संसारन्यूज

काठमाडौं । प्रभु बैंकका ग्राहक तथा कर्मचारीहरुले होटल हिमालयमा विशेष छुट पाउने भएका छन् ।

बैंकले आफ्ना कर्मचारी तथा ग्राहकहरुलाई कुपण्डोल, ललितपुरमा रहेको होटल हिमालयसँग विभिन्न सेवामा विशेष छुट दिने सम्झौता गरेको हाे ।

एक समारोहका बिच सम्पन्न सम्झौतामा  बैंककातर्फबाट चिफ मार्केटिङ्ग अफिसर रबिन्द्र ढकाल र बजार व्यवस्थापक सबिन राणा तथा होटलको तर्फबाट बिक्री प्रबन्धक भुपेश लेखकले हस्ताक्षर गरेका छन् ।

सम्झौता अनुसार  बैँकका कर्मचारी तथा ग्राहकहरुले बैंकसँगको आबद्धता प्रमाणका आधारमा होटलमा उपलब्ध सम्पुर्ण सेवा सुविधाहरुमा विशेष छुट प्राप्त गर्न सक्ने  छन् ।

ग्राहकहरुको रोजाईको अग्रणी बैंकको रुपमा रहेको तथा हालसालै “बैंक अफ द इयर २०२३” को उपाधिबाट सम्मानित  बैंकका नेपालभर ३०७ शाखाकार्यालयहरु, २८६ एटीएम साथै ७० एक्सटेन्सन काउन्टर मार्फत करिब ३१ लाखभन्दा बढि ग्राहकहरुलाई बैंकिङ एवं वित्तीय सेवा प्रवाह गरिरहेको छ ।

बैंकले अत्याधुनिक प्रविधिमार्फत गुणस्तरीय सेवा प्रवाह गर्दै प्रतिस्पर्धी रुपमा अगाडि बढिरहेको जनाएको छ । लण्डन स्थित दि फाईनान्सियल टाईम्सले बैँक अफदि ईयर-२०२३ बाट सम्मानित प्रभु बैँक, छोटो समयको अन्तरालमानै फिनाकल ईन्फोसिस ईनोभेसन गोल्ड-२०२४ अवार्डबाट सम्मानित भएको छ ।