Sansar News
काठमाडौँ । नेकपा (एकीकृत समाजवादी)ले ९३ सदस्यीय केन्द्रीय कमिटी टुंगो लगाएको छ । १०औँं महाधिवेशनमा समाजवादीले सर्वसम्मत ढंगले अध्यक्षसहित सम्मानित नेता र महासचिव सहित ९३ जना केन्द्रीय सदस्य टुंग्याएको हो ।
एकीकृत समाजवादीको अध्यक्षमा माधवकुमार नेपाल, सम्मानित नेतामा झलनाथ खनाल र महासचिवमा घनश्याम भूसाल बिहीबार नै सर्वसम्मत भएका थिए ।
एकीकृत समाजवादीमा २१ पदाधिकारी र २९९ सदस्यीय केन्द्रीय कमिटी बनाउने यसअघि नै निर्णय भएको थियो । यसअघि पोलिटव्यूरोमा रहेकाहरूलाई केन्द्रीय समितिमा राखिएको छ । बाँकी केन्द्रीय सदस्यहरू सहमति गरी टुंग्याउने तयारी छ ।
वि.सं.२०८१ असार २१ शुक्रवार १६:२४ मा प्रकाशित
