Sansar News
कुमार थापा, निजगढ, बारा
करोडौँमा मलाई नै चुनेकी हुन् उनैले ।
हियामा देवझैँ राख्दै पुजेकी हुन् उनैले ।
जलनको भावले हेर्ने नयन हुन्छ्न् कसैका
बचाएरै अँगालोमा कसेकी हुन् उनैले
कहाँ सक्थेँ र मायाँको म प्रस्ताव गर्नै
नयाँ प्रस्ताव आफैँले गरेकी हुन् उनैले
नजानेँझैँ गरिन् उनले सधैँ नै प्रेम चर्चा
नजान्ने छु म भन्दै दिल लुटेकी हुन् उनैले
विरोधी छन् यहाँ हरदम जमाना छैन हाम्रो
अनेकौँ दुःखका पीडा सहेकी हुन् उनैले
बहर : हजज मुसम्मन महजुफ
वजन १२२२, १२२२, १२२२, १२२
अर्कान : मुफाईलुन् मुफाईलुन् मुफाईलुन् फऊलुन्
काफिया : एकी
रदिफ : हुन् उनैले
वि.सं.२०८१ साउन १९ शनिवार ०५:२० मा प्रकाशित
