हामी सबैकाे संसारन्यूज

शीतल निश्चल, लप्सीबोट, गोरखा

शिलामा देश कोप्ने, खास मन कसले गरेको हो ?
खुँडा बोकेर सत्ताको ,दहन कसले गरेको हो ?

सिमानामा नयाँ खम्बा उठायो, पूर्वबैरीले
अरे! मार्ने र मर्ने यो,चलन कसले गरेको हो ?

महाभारत र रामायण कथा घोकेर ए ! साधु
ठुलो आवाजमा, यसरी भजन कसले गरेको हो ?

हिजो उड्दै थियो आकाशमा स्वतन्त्र पाराले
दया लाग्यो, भँगेराको पतन कसले गरेको हो ?

गलामा राख्न खोजेथ्यो, शिलामा राख्न खोजेथ्यो
चितामा फूलको माला चयन कसले गरेको हो ?

बहर – हजज मुसम्मन सालिम
अर्कान : मुफ़ाईलुन मुफ़ाईलुन मुफ़ाईलुन मुफ़ाईलुन
वजन : १२२२, १२२२, १२२२, १२२२
काफिया : अन्
रदिफ : कसले गरेको हो