हामी सबैकाे संसारन्यूज

निम्बतरु, अर्घाखाँची

अन्धभक्तका सुत्केरो कारखाना
अहिले पनि चालू छ
चोक चोकका होडिङ बोर्डले जनाउँछ
एउटा घोर धर्मवादको
अर्को राजनीतिको
पहिले सिर्फ बाबाका साथ सिमित थियो ।

नसालु दुर्व्यसनी उद्योग
अहिले पनि खुल्ला छ
गल्ली गल्लीका जमघटले उल्लेख गर्छ
एउटा घोर दर्शनशास्त्रको
अर्को राजनीतिको
पहिले पशुपतिनाथका जात्रामा मात्र छुट थियो ।

यस इलाकामा अन्धश्रध्दा यतिधेरै छकि
अरु दिवानाहरुले छिचोल्न सक्दैनन्
यही अन्धविश्वासले त संसार खायो
मूर्खहरुका बीचमा यो कविता पनि
केवल चिँ चिँ चिँ पिँ पिँ पिँ मात्र हो
समाज यति निराला छ
अब परिवर्तन संभव महाप्रलय बिना काम छैन्

यस्तो अतिशयोक्तिले देश खान्छ ।

यस्को ठेक्कामा त स्कुल समेत लागेको छ ।