Sansar News
काठमाडौँ । आज साताको पहिलो कारोबारको दिन प्रि ओपन सेसनमा नेप्से परिसूचक साढे १३ अंक बढेको छ ।
गत बिहीबार ६.७० अंक बढेर २७६६.३८ विन्दुमा बन्द भएको नेप्से, यस दिन प्रि ओपन सेसनमा १३.७० अंक बढेर २७८०.०८ विन्दुमा पुगेको छ । त्यस्तै, यस दिन सेन्सेटिभ इण्डेक्स २.५२ अंक बढेको छ ।
आइतबार प्रि ओपन सेसनमा ११२ स्टकको ५६४ पटकको कारोबारमा ३ करोड ९४ लाख ६८ हजार १३३ रुपैयाँ ४५ पैसा बराबरको ७२ हजार २०३ कित्ता शेयर खरिदबिक्री भएको छ। जसमध्ये ७२ स्टकको मूल्य बढेको छ भने २२ स्टकको मूल्य घटेको छ। बाँकी १८ स्टकको मूल्य सो सेसनमा स्थिर रहेको छ ।
वि.सं.२०८१ साउन २७ आइतवार १०:५८ मा प्रकाशित
