हामी सबैकाे संसारन्यूज

काठमाडौँ । मानिसको शरीरका विभिन्न अङ्गमध्ये यौनाङ्ग अति संवेदनशील अङ्ग हो । वरपरका छाला एकदमै संवेदनशील हुने भएकाले यौनाङ्गको उचित सरसफाइ र ख्याल राख्नु आवश्यक छ ।

उचित सरसफाइको अभावमा व्यक्तिमा विभिन्न समस्याहरू निम्तिन सक्ने सम्भावना रहन्छ । तुलनात्मक रूपमा हेर्ने हो भने महिलाहरू पुरुषभन्दा बढी यौन समस्याका सिकार हुने गर्छन् । महिनावारी, योनी स्राव तथा प्रजननका कारण महिलाहरू आफ्नो जीवनकालमा यौन समस्याका सिकार भइरहन्छन् ।

अधिकांशमा सरसफाइको कमीले यौन समस्याको सिकार हुनु प्रमुख कारण हो ।
अझ महिलाको गुप्ताङ्गको सम्बन्ध प्रत्यक्ष रूपमा पाठेघरसँग रहेको हुँदा यसप्रतिको बेवास्ताले महिलामा गर्भाशय सम्बन्धी विभिन्न समस्या देखा परी पाठेघरको क्यान्सरको जोखिम बढाउँछ । त्यसैले, यस्ता समस्याबाट बच्नकै लागि महिलाले आफ्नो यौनाङ्गको सरसफाइमा उचित रूपमा ध्यान दिनुपर्छ ।

सरसफाइ गर्ने उपायहरू 

-योनाङ्ग दैनिक रूपमा सरसफाइ गर्ने रुटिङ बनाउने ।

-महिनावारीका समय दिनमा पटक-पटक यौनाङ्ग सफा गर्ने ।

-योनाङ्गमा बास्नादार सेन्ट वा साबुनको प्रयोग नगर्ने ।

-सफा तथा मनतातो पानीले दैनिक सफा गर्दा कीटाणु रहने डर हुँदैन ।

-पानीले सफा गरेपछि सुख्खा कपडाले उक्त क्षेत्रलाई पुछेर सुख्खा राख्ने ।

-भित्री वस्त्र नियमित परिवर्तन गर्ने ।

-यौनाङ्ग नपोलोस् भनेर सुतीको अन्डरवेयर प्रयोग गर्ने ।

-महिनावारीको समयमा रगत नबगे पनि ३-४ घण्टाको अवधिमा प्याड परिवर्तन गर्ने ।

-नयाँ पेन्टीको प्रयोग पनि धोएर मात्रै गर्ने ।

-नुहाएपछि वा स्विमिङ गरेपछि कपडा तुरुन्त परिवर्तन गर्ने ।