काठमाडौं । आई.एम.ई लाइफ इन्स्योरेन्सको सातौं वार्षिकोत्सवको सप्ताहव्यापी कार्यक्रम अन्तर्गत तेस्रो दिन पनि विभिन्न कार्यक्रम गरि मनाईयो । कार्यक्रमको तेस्रो दिन मंगलबार विभिन्न क्षेत्र प्राकृतिक प्रकोपबाट प्रभावितलाई आवश्यक सामाग्रि वितरण गरिएको कम्पनीले जनाएको छ ।
आई.एम.ई लाइफको स्थापनाको सातौं वर्ष पुरा गरेको अवसरमा प्राकृतिक प्रकोपबाट प्रभावित क्षेत्रमा राहत सामाग्रि वितरण गरिएको हो । नेपालको बीमा क्षेत्रको नियामक निकाया नेपाल बीमा प्राधिकरणको निर्देशन अनुसार सो कार्यक्रम गरिएको कम्पनीले जनाएको छ ।
टीकापुर नगरपालिका वडा नं. १, गणेशपुर स्थित बाढी पिडित क्षेत्रका ७ वटा सामुदायिक विद्यालयका ७० जना बालबालिकाहरुलाई शैक्षिक सामाग्रि र पोशाक वितरण गरेको छ । त्यसैगरी काठमाडौंको टोखा स्थित विपद्को शिकार भएका परिवारहरुलाई कम्पनीका चिफ मार्केटिङ अफिसर गणेश चौलागाई तथा ट्रेनिङ हेड सुनिल आचार्यको उपस्थितिमा राहत सामाग्रिहरु वितरण गरिएको छ । यसका अतिरिक्त धरान उप–महानगरपालिकको सम्पूर्ण वडाका स्वास्थ्य स्वयमसेविका र स्वास्थ्य बीमाका प्रतिनिधिहरुकालाई सम्मान कार्यक्रम सम्पन्न गरिएको कमपनीले जनाएको छ ।
वि.सं.२०८१ साउन ३० बुधवार १३:२७ मा प्रकाशित
