हामी सबैकाे संसारन्यूज

काठमाडौँ । स्थानीय बजारमा सुनको मूल्यले नयाँ रेकर्ड ब्रेक गरेको छ । आज सुनको मूल्य प्रतितोला तीन हजार रुपैयाँले बढेको हो ।

नेपाल सुनचाँदी व्यवसायी महासँघका अनुसार आज छापावाला सुन प्रतितोला एक लाख ५२ हजार ६ रुपैयाँमा खरिद बिक्री भईरहको छ भने गत शुक्रबार छापावाला सुन प्रतितोला एक लाख ४९ हजार ६ सय रुपैयाँमा खरिदबिक्री भएको थियो ।

गत साउन २९ गते छापावाला सुनले रेकर्ड ब्रेक गरेको थियो । त्यस दिन एक लाख ५० हजार ८ रुपैयाँ थियो ।

आज चाँदीको मूल्य पनि बढेको छ । यसदिन चाँदीको मूल्य तोलामा ५० रुपैयाँले बढेको हो । आज चाँदीको मूल्य प्रतितोला एक हजार ८ सय १० रुपैयाँमा खरिदबिक्री भईरहेको छ । शुक्रबार चाँदी प्रतितोला एक हजार ७ सय ६० रुपैयाँमा खरिदबिक्री भएको थियो ।