हामी सबैकाे संसारन्यूज

काठमाडौं । गण्डकी प्रदेशमा नेकपा एमालेलेबाट मन्त्री बन्न लागेका चार मन्त्रीले आजै पद तथा गोपनियताको सपथ ग्रहण गर्ने भएका छन् ।

एमालेले कास्कीका प्रकाशबहादुर केसी, पर्वतका मित्रलाल बस्याल, बागलुङका कृष्ण पाठक र नवलपुरकी पद्मा जिसीलाई मन्त्री बनान लागेकाो छ । उनीहरुको आजै दिउँसो १ बजे शपथ ग्रहणको तयारी छ ।

गण्डकीमा एमालेभित्र स्थायी कमिटी सदस्य खगराज अधिकारी र उपमहासचिव पृथ्वीसुब्बा समूहको गुटगत राजनीति छ । पाठक र केसी खगराज निकट तथा बस्याल र जिसी पृथ्वीसुब्बा निकट मानिन्छन् ।

आइतबार बसेको मन्त्रिपरिषदको बैठकले मन्त्रालयको कार्यक्षेत्र टुंग्याउँदै संख्या पनि नौ बनाएपछि एमालेले पनि मन्त्री हुनेको नाम टुंगो लगाएको हो । गठबन्धनमा सहमति अनुसार गण्डकीमा नौ मन्त्रालयमध्ये चार मन्त्रालय एमालेको भागमा परेको छ ।

कांग्रेसको भागमा मुख्यमन्त्रीसहित पाँच मन्त्रालय परेको छ । यद्यपी मुख्यमन्त्री सुरेन्द्रराज पाण्डेले आफुलाई संकटमा साथ दिने फणीन्द्र देवकोटा र स्वतन्त्र सांसद राजीव गुरुङ (दीपक मनाङे)लाई पनि कांग्रेस कोटामै राख्ने तयारी गरेका छन् ।