Sansar News
सेर्नोबियो (इटाली) । इटालीका प्रधानमन्त्री जोर्जिया मेलोनीले शनिबार राष्ट्रपति भोलोदिमिर जेलेन्स्कीसँगको वार्तापछि युक्रेनका लागि आफ्नो दृढ समर्थन रहेको बताए ।
“हामीले युक्रेनसँगको समर्थन त्याग्नु हुँदैन”, उत्तरी इटालीको सेर्नोबियोमा आयोजित आर्थिक फोरमको बैठकपछि रुससँगको युद्ध अन्त्य गर्ने प्रयास र पुनर्निर्माणको सनदर्भमा मेलोनीले भने ।
जर्मनीको ‘रामस्टेन एयरबेस’मा आयोजित सम्मेलनमा थप हतियार सहयोगका लागि आह्वान गरेको केही घण्टापछि राष्ट्रपति जेलेन्स्कीले शुक्रबार युरोपेली ‘हाउस–एम्ब्रोसेट्टी’ फोरमलाई सम्बोधन गरेका थिए । जहाँ वासिङ्टनले २५ करोड डलरको नयाँ सैन्य सहायतामा प्रदान गर्ने घोषणा गरेको थियो ।
यस वर्ष जी–७ को अध्यक्षता गर्ने मेलोनीको सरकार सन् २०२२ फेब्रअरीमा रूसी सेनाले आक्रमण गरेदेखि युक्रेनको सबैभन्दा बलियो समर्थकहरू मध्ये एक हो । तर मस्कोसँग न्यानो सम्बन्ध रहेका उनको गठबन्धन सरकारका केही सदस्य यो समर्थनबाट कम उत्साहित छन् ।
रोमले कियभलाई रुस आक्रमणमा प्रयोग गर्न नपाइने र युक्रेनी इलाकामा मात्र प्रयोग गर्नुपर्ने शर्तमा हतियार सहयोग गर्दै आएको छ ।
शनिबार फोरमलाई सम्बोधन गर्दै मेलोनीले युक्रेनका लागि इटालीको समर्थन “अत्यन्त गम्भीर, दृढ र स्पष्ट” रहेको बताए । उनले युद्धबाट डराएका र चिन्तित इटालीका जनतालाई रूसी प्रचारको जालमा नपर्न आग्रह गरे । एएफपी
वि.सं.२०८१ भदौ २३ आइतवार ०८:४१ मा प्रकाशित
