Sansar News
कपिल किशोर घिमिरे, दाङ
डुबे सदैव शोकमा मसानझैँ छ जिन्दगी
लिए सुमार्ग धर्मको बिहानझैँ छ जिन्दगी
नमान लाज प्रेममा खुलेर साथ बस्नु छ
मिलेर साथमा बसे बगानझैँ छ जिन्दगी
बेकार छन् कुमार्ग सब गरौँ सुकाम प्रेमले
भए इमान स्वर्गको उडानझैँ छ जिन्दगी
बिछोडमा छ दर्द खुब हराएको छ निँद मेरो
सँगै बसे पो हर्षको मुहानझैँ छ जिन्दगी
नलाग स्वार्थमा सधैँ लिई गइन्न धन् सँगै
डुबे सदैव स्वार्थमा तुफानझैँ छ जिन्दगी
बहर : हजज मुसम्मन सालिम
अर्कान : मफाइलुन् मफाइलुन् मफाइलुन् मफाइलुन्
वजन : १२१२ १२१२ १२१२ १२१२
अभ्यास : स्वर्ण पाठशाला
वि.सं.२०८१ भदौ २९ शनिवार ०५:२१ मा प्रकाशित
