Sansar News
पोखरा । पोखरा महानगरपालिका-२७ रिठेपानीस्थित सडकमा ग.१ त ३३८४ नम्बरको ट्याक्टरले किचेर सोही ठाउँ बस्ने ९ वर्षीय बिपिन विकको मंगलबार दिउँसो मृत्यु भएको छ । दुर्घटनामा गम्भीर घाइते भएका उनको पश्चिम क्षेत्रिय अस्पतालमा उपचारको क्रममा मृत्यु भएको छ ।
प्रहरीले ट्याक्टर चालकलाई नियन्त्रणमा लिई दुर्घटनाका सम्बन्धमा आवश्यक अनुसन्धान गरिरहेको छ ।
यसैगरी लमही नगरपालिका-९ बस्ने ५६ वर्षीय सुवाष बुढा मगरको करेन्ट लागेर मंगलबार दिउँसो मृत्यु भएको छ ।
आफ्नै घर आँगनमा रहेको टिनको पसल (छाप्रो) बनाउने क्रममा विद्युतको तारबाट करेन्ट लागेर उनको मृत्यु भएको हो । यस सम्बन्धमा प्रहरीले आवश्यक अनुसन्धान गरिरहेको छ ।
वि.सं.२०८१ असोज २ बुधवार १४:०१ मा प्रकाशित
