हामी सबैकाे संसारन्यूज

काठमाडौँ । दसैँ तिहारलाई लक्षित गरेर यही साताबाट सार्वजनिक यातायातको अग्रिम टिकट खुलाइने भएको छ । भौतिक पूर्वाधार तथा यातायात मन्त्री देवेन्द्र दाहालको अध्यक्षतामा शनिवार व्यवसायीसहितको बैठकले चाडपर्वमा यात्रुको सुविधाको लागि सात बुँदे सहमति गरेको छ ।

मन्त्रालय र व्यवसायीबिच भएको सहमतिमा घटस्थापना अगाडि नै सबै सडक मर्मत गरी यातायात सुचारु गर्न सडक विभागलाई निर्देशन दिइएको छ । बिपी राजमार्ग सडक सुरक्षाका लागि साना सवारी मात्र चलाउन एवम् रात्रि सवारी सञ्चालन नगर्ने विषय प्रभावकारी रूपमा लागू गृह मन्त्रालयमा अनुरोध गरिएको छ ।

व्यवसायीले लामो समयदेखि उठाउँदै आएको भाडा दर समायोजनको माग छठपछिको हप्तामा कार्यान्वयन गर्ने गरी व्यवस्था मिलाउन विभागलाई निर्देशन छ ।