Sansar News
काठमाडौँ । ठगी र जबरजस्ती करणी सम्बन्धी मुद्दामा इन्टरपोलबाट रेड नोटिस जारी भएका तीन जनालाई प्रहरीले दुबईबाट पक्राउ गरेको छ ।
पक्राउ पर्नेहरूमा ठगी सम्बन्धी कसुरका आरोपी पाँचथर मिक्लाजुङ गाउँपालिका ४ ठेगाना भएका ४२ वर्षीय भूपेन्द्र बोहरा र काठमाडौँ नागार्जुन नगरपालिका ९ बस्ने २८ वर्षीय रियाज भन्ने कबिर बुढाथोकी रहेका छन् ।
यस्तै, जबरजस्ती करणी सम्बन्धी मुद्दाका फरार प्रतिवादी मकवानपुर ईन्द्रसरोवर गाउँपालिका ५ घर भई हाल काठमाडौँ चन्द्रागिरी नगरपालिका १० बस्ने २६ वर्षीय रोमन कार्की रहेका छन् ।
उनीहरूलाई सम्बन्धित मुद्दामा कारबाही गर्न बुधवार नेपाल फिर्ता ल्याइएको प्रहरी प्रधान कार्यालयले जानकारी दिएको छ ।
वि.सं.२०८१ असोज १० बिहीवार १२:३५ मा प्रकाशित
