Sansar News
काठमाडौं । काठमाडौँ उपत्यका अपराध अनुसन्धान कार्यालयले १५ जना बङ्गलादेशका नागरिकलाई पक्राउ गरेको छ ।
अनुसन्धान कार्यालयले प्रवेशाज्ञाको अवधि समाप्त भएपछि पनि स्वदेश नफर्केका ती १५ बङ्गलादेशका नागरिकलाई पक्राउ गरी सार्वजनिक गरेको हो ।
उक्त कार्यालयका सूचना अधिकारी काजीकुमार आचार्यका अनुसार विभिन्न मितिमा नेपाल प्रवेश गरी गैरकानुनी ढङ्गले बसोबास गर्नुका साथै शङ्कास्पद गतिविधिमा संलग्न रहेको भन्ने सूचनाका आधारमा काठमाडौँ महानगरपालिका-२६ ठमेल तथा सोह्रखुट्टे क्षेत्रबाट पक्राउ गरिएको हो । उनीहरूलाई अध्यागमन विभाग पठाइएको छ । रासस
वि.सं.२०८१ असोज १६ बुधवार १२:५७ मा प्रकाशित
