Sansar News
काठमाडौँ । प्रमुख प्रतिपक्षी दल नेकपा (माओवादी केन्द्र)को केन्द्रीय समिति बैठक पुस २ गते बस्ने भएको छ । सोमबार माओवादी अध्यक्ष पुष्पकमल दाहाल ‘प्रचण्ड’को निवास खुमलटारमा बसेको पदाधिकारी बैठकले केन्द्रीय समिति बैठक पुस २ गते बोलाउने निर्णय गरेको प्रवक्ता अग्निप्रसाद सापकोटाले जानकारी दिए ।
त्यस्तै बैठकले मंसिर १६ गते हुन लागेको उपचुनावका लागि नेताहरुको कार्यविभाजन गरेको छ । सापकोटाका अनुसार आगामी मंसिर मसान्तसम्म पालिका सम्मेलन सकेर सरकारविरुद्ध खबरदारी सभा आयोजना गर्नेसमेत निर्णय बैठकले गरेको छ ।
वि.सं.२०८१ कात्तिक २६ सोमवार १२:०७ मा प्रकाशित
