Sansar News
सुनसरी । सडकबाट करिब १२ किलो गाँजा प्रहरीले बरामद गरेको छ । देवानगंज गाउँपालिका-२ र हरिनगर गाउँपालिका-७ को सिमानास्थित सडकबाट अवैध लागूऔषध गाँजा करिब १२ किलोग्राम शनिबार राति प्रहरीले बरामद गरेको हो ।
इलाका प्रहरी कार्यालय देवानगञ्जबाट खटिएको गस्ती टोलीलाई देख्नासाथ हाल नम्बर नखुलेको मोटरसाइकलमा सवार २ जना अपरिचित व्यक्तिहरूले जेब्रा झोला फाली फरार भएपश्चात झोला तलासी गर्दा उक्त गाँजा फेला परेको प्रहरीले जनाएको छ ।
यस सम्बन्धमा आवश्यक अनुसन्धान गरिरहेको प्रहरीले जनाएको छ । फाइल फाेटाे
वि.सं.२०८१ मंसिर २३ आइतवार १२:५७ मा प्रकाशित
