Sansar News
काठमाडौँ । नेपाली काँग्रेसले स्याङ्जाकी सुनिता थापालाई गण्डकी प्रदेशसभा सदस्य बनाउने निर्णय गरेको छ । आज (सोमबार) बसेको कार्यसम्पादन समितिको बैठकले समानुपातिकतर्फको रिक्त गण्डकी प्रदेशसभा सदस्य पदमा थापालाई सिफारिस गर्ने निर्णय गरेको हो ।
प्रवक्ता प्रकाश शरण महतले रिक्त स्थानमा पदपूर्तिका लागि निर्वाचन आयोगमा भएको बन्द सूचीको क्रम सङ्ख्या अनुसार थापाको नाम आयोगलाई सिफारिस गर्ने निर्णय भएको जानकारी दिए ।
कात्तिक २९ मा गण्डकी प्रदेश सभा सदस्य विमला गौचनको मृत्यु भएपछि सो पद रिक्त थियो ।
वि.सं.२०८१ मंसिर २४ सोमवार १२:१८ मा प्रकाशित
