Sansar News
काठमाडौं । आज नेपाली बजारमा सुनको मूल्य बढेको छ । आज सोमवार सुनको मूल्य तोलामा चार सय रुपैयाँले बढेको हो ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ५१ हजार दुई सय रुपैयाँमा कारोबार भईरहेको छ । अघिल्लो कारोबार दिन आइतबार सुन प्रतितोला एक लाख ५० हजार आठ सय रुपैयाँमा कारोबार भएको थियो ।
आइतवार २० रुपैयाँले घटेको चाँदीको मूल्य आज भने स्थिर रहेको छ । आज चाँदी प्रतितोला एक हजार आठ सय ४० रुपैयाँमा कारोबार भइरहेको महासंघले जनाएको छ । चाँदीको सोही मूल्यमा आइतबार पनि कारोबार भएको थियो ।
वि.सं.२०८१ पुस १ सोमवार ११:४७ मा प्रकाशित
