Sansar News
काठमाडौँ । स्याङ्जाको भीरकोट नगरपालिका–१ भलुवाडाँडामा आगोलागी भएको छ । स्थानीय बेल नारायण श्रेष्ठको ढुङ्गा माटोले बनेको जस्ताले छाएको २ तले कच्ची घर र एक तले कच्ची गोठ जलेर नष्ट भएको जिल्ला प्रहरी कार्यालय स्याङ्जाले जनाएको छ ।
प्रहरीका अनुसार घरमा रहेको करिब एक लाख तिस हजार रुपैयाँ नगद, अन्दाजी सात तोला सुन, भाडा बर्तन, लत्ता कपडा गरी पन्ध्र लाख बराबरको क्षति भएको छ ।
यसैगरी गोठमा बिद्युत सर्ट भई आगोलागि निभाउने क्रममा सोही स्थानमा बस्ने बर्ष ५० को कोट बहादुर मगरको टाउकोमा चोट लागेको थियो । उनको उपचार पश्चात डिस्चार्ज भएको छ ।
आगो स्थानीय र प्रहरीको सहयोगमा नियन्त्रमा लिइएको थिया ।
वि.सं.२०८१ पुस ५ शुक्रवार १२:३१ मा प्रकाशित
