Sansar News
मनीषकुमार शर्मा ‘समित’, मध्यपुर ठिमी, भक्तपुर
“तिमीलाई संविधान थाहा छ?” एउटा सरल प्रश्न ।
“साह्रै भोक लागेको छ, हिजोको बासीभात छ?” प्रतिप्रश्नको रूपमा प्रतिउत्तर ।
“के यहाँ भोकमरी छ ?” फेरि एक सरल प्रश्न ।
“हैन त्यहाँ भातमरी छ” चिटचिहाट उत्तर ।
“अब के चाहन्छौ त?” पुनः प्रश्नको बाढ ।
“पुरा गर्ने हैसियत छ?” पुनः प्रतिप्रश्न ।
“मागेर त हेर । ” आस जगाउँदै ।
“गाँस, बास र कपास । ” आशामुखी बन्दै ।
“ती बाहेक अरू केही….?” निरास प्रश्न ।
“तिम्रा वाहियात सपना र प्रश्नहरूबाट मुक्ति ।” एक झनझनहाट उत्तर ।
वि.सं.२०८१ पुस ६ शनिवार ०८:५२ मा प्रकाशित
