Sansar News
काठमाडौँ । नेपाल स्टक एक्सचेञ्जको कारोबार प्रणाली ट्रेड म्यानेजमेन्ट सिस्टम (टीएमएस) मा समस्या देखिएको छ ।
टीएमएसमा समस्या दखिएसँगै आइतबार सेयर कारोबारमा अवरोध आएको हो ।
बजार खुलेसँगै सुरु भएको यो समस्याका कारण लगानीकर्ताले सहज रूपमा शेयर खरिद बिक्री गर्न सकेका छैनन् । सुरुमा केही ब्रोकरहरूको टीएमएसमा मात्र समस्या देखिएको भए पनि समय बित्दै जाँदा धेरै ब्रोकरहरू प्रभावित भएको पााईएको छ ।
लगइन नहुने, खरिद तथा बिक्री अर्डर पोस्ट गर्न नसकिने जस्ता समस्याले सर्भर नै अवरुद्ध हुने अवस्था सिर्जना भउको छ ।
नेप्सेले केही ब्रोकरहरूमा मात्रै समस्या आएको दाबी गरे ता पनि लगानीकर्ताको गुनासोले समस्या व्यापक रहेको संकेत आंकलन गर्न सकिन्छ ।
वि.सं.२०८१ पुस २८ आइतवार १३:३९ मा प्रकाशित
